Paraguay Paraguái Rekuái ombohekóma hembiaporã omboty hag̃ua ary 2028 oúva, omoĩngévo mayma adulto mayor-pe oguerekóva guive 65 ary hekove’ári, péva Programa Universal para Adultos Mayores ryepýpe, omyakã ha omotenondéva Ministerio de Desarrollo Social.

Péicha omba’apohína ñane retã Gobierno, ikatu hag̃uáicha ko ñepytyvõ ojeheróva pensión alimentaria, ohupyty mayma kakuaakuérape oguerekóva guive 65 ary, péicha he’íkuri, Ministerio de Desarrollo Social motenondehára, karai Tadeo Rojas, omyesakãvo avei, oĩha heta adulto mayor oguerekóva, 65, 66 ha 67 ary oha’ãrõvahína ko pytyvõrã, ojapóva 95.000 adultos mayores, he’ivoi, Ministro Rojas.

Hetave avei ohóvo adultos mayores oñepytyvõva’erã, oguejyvévo avei ohóvo ary pytyvõrã, ary peteĩteĩme niko, 20.000 tavayguakuéra omboty 65 ary hekove’ári ombojoapy Ministro.

Ko arýpe añoite oñemoĩnge pyahúma, 38.000 kakuaakuérape, péva ojejapo, ojehechakuávo avei pirapire ojeguerekóva, hetajey ndaikatúi oñepytyvõmba, péicha ary 2026-pe noñehrpyme’ẽmbamo’ãi gueteri umi tavayguápe oguerekómava 67 ary he’i voi, Mburuvicha karai Tadeo Rojas.

Iporã ñane mandu’ami, ko jasypoapýpe oñemoĩnge pyahu Programa Universal ryepýpe, 3.902 adulto mayor-kuérape, péva apytégui 2.244 adulto mayor-kuéra, ombotýmava 68 ary 24 jasypoaty peve, oñemoĩngéma avei ohóvo umi ombotýmava 69 ary, tapichakuéra ñane retãygua ñande’ypykuéva, ha tapichakuéra oñemoĩnge pyahu jeýva.

Ápe iporãvéva niko oñehepyme’ẽtama mayma adulto mayor-pe, oñemoĩnge pyahúvape ko jasypoapýpe, ha ñepyrũrã oñehepyme’ẽta chupekuéra, Banco Nacional de Fomento rupive, oĩva opaite henda ñane retãpýre, péicha 376.780 adulto mayor-kuérape oñehepyme’ẽhína ko’ág̃a peve. Ápe ojehekáva niko, tojejapo ohóvo ñande Ley 7.322, he’ihaichaite, oñehepyme’ẽva’erãha mayma tavayguápe, Pensión Universal ombotýva guive 65 ary hekove’ári.

FUENTE Medios del Estado 

#patriaguaranidigitalmedia